Dynamo St. Petersburg vann Paris Basket Racing 74-80 í D-riðli FIBA Europe League í gækvöldi og er enn taplaust í efsta sæti riðilsins. Jón Arnór Stefánsson landsliðsmaður var stigahæstur í liði DSP með 16 stig.

Samkvæmt vef FIBA Europe var leikurinn jafn og spennandi og þurftu Jón og félagar virkilega að hafa fyrir sigrinum. Franska liðið byrjaði þó mun betur og leiddi 28-14 eftir fyrsta leikhluta. En viðsnúningurinn í öðrum leikhkluta var ótrúlegur því sterk vörn Dynamo hélt franska liðinu í 4 stigum í leikhlutanum, meðan að gestirnir skoruðu 24 stig. PBR náði þó að minnka muninn í þriðja leikhluta og var hann ekki nema þrjú stig fyrir loka fjórðunginn, 57-60. Munurinn varð minnst eitt stig þegar fjórar mínútur voru eftir en Rússarnir reyndust sterkari og unnu góðan útisigur.

Nánar á vef KR.