Keflvíkingar hafa staðið sig gríðarlega vel í bikarkeppni Evrópu í vetur sem og í fyrra. Óvænt tap fyrir Bakken Bears breytir þar engu um, en Keflavíkingar munu þó verða að herða róðurinn í útileikjunum sem framundan eru og krækja þar í sigur.

Gunnar Einarsson hefur skorað flestar þriggja stig körfur í keppninni og eru þá allar deildarnar og riðlarnir taldar með. Gunnar er einnig í þriðja sæti yfir stigahæstu menn. Fróðlegt er að skoða tölfræðina og kemur þar í ljós að Keflavík á alls staðar menn ofarlega á blaði. Tölfræði bikarkeppni Evrópu.

Mynd: Víkurfréttir.