Alþjóðakörfuknattleikssambandið, FIBA, hefur gefið út bækling í samvinnu við Alþjóðalyfjaeftirlitsstofunina, WADA. Bæklingnum, sem er á ensku, frönsku og spænsku, verður dreift til allra 212 aðildarlanda FIBA á næstunni.

Með bæklingnum, sem einkum á að höfða til ungs fólks, vill FIBA vekja fólk til umhugsunar um lyfjamisferli, þær reglur sem eru í gildi og hvaða afleiðingar það hefur í för með sér að brjóta þær. Sérstaklega verður tekið á notkun fæðubótarefna í bæklingnum og þeim hættum sem kunna að leynast í notkun þeirra. Fjölmörg dæmi eru um það að slík efni, sem eru á almennum markaði, innihaldi ólögleg efni og leikmenn hafi ekki hugmynd um að þeir eru að brjóta lög og reglur íþróttahreyfingarinnar með neyslu þeirra.

Þekktir leikmenn á borð við Yao Ming, Tony Parker og Dikembe Motumbo styðja átakið og aðstoða við kynningu og útgáfu bæklingsins.

Bæklingurinn verður sendur áfram til aðildarfélaga KKÍ um leið og hann berst frá FIBA. Hægt er að sækja bæklinginn í pdf-formi hér.