Í dag verður spilað í meistarakeppni KKÍ. Í kvennaflokki mætast Keflavík og KR kl.17:00 og í karlaflokki verða það erkifjendurnir úr Reykjanesbæ, Keflavík og Njarðvík sem mætast kl.19:15. Leikirnir fara fram í "Sláturhúsi" þeirra Keflvíkinga eins og þeir kalla íþróttahúsið sitt.

Þetta er í 10.sinn sem meistarakeppni KKÍ er haldinn. Frá upphafi hefur körfuknattleikshreyfingin látið allan ágóða af leikjunum renna til góðgerðmála. Að þessu sinni er það "félag MND sjúklinga" sem mun njóta ágóðans af leiknum. Félagið heldur úti heimasíðu og er slóðin mnd.is. Eins og flestir landsmenn vita þá lést Rafn Jónssson tónlistarmaður í sumar úr þessun erfiða sjúkdómi. Rafn var mikill áhugamaður um körfuna og þá sérstaklega liðið sitt KFÍ.