Þegar tölfræði í B-deild Evrópukeppni er skoðuð kemur í ljós að Jón Arnór Stefánsson er í öðru sæti yfir stoðsendingar. Hann er með 5,5 stoðsendingar að meðaltali í leik. Jón er einnig í þriðja sæti í skotnúýtingu utan af velli með 61,1% nýtingu.

Jón Arnór er líka þess vafasama heiðurs aðnjótandi að vera með flesta tapaða bolta í B-deildinni, eða 6,5 að meðaltali í leik. Jakob Örn Sigurðarson kemst á topp tíu listann yfir stoðsendingar, en hann er þar í sjöunda sæti.

Þá eru tveir leikmenn íslenska liðsins með 100% vítanýtingu, þeir Jakob Örn Sigurðarson 8/8 og Magnús Þór Gunnarsson 6/6. Stigaskor íslensku leikmannanna og fráköst hafa dreift mjög jafnt og því hafa okkar menn ekki komist á topp tíu lista yfir þá tölfræðiþætti. Sama er að segja um flestar mínútur. Þar eigum við engan leikmann lista yfir þá 25 sem leikið hafa flestar mínútur, enda Sigurður Ingimundarson þjálfari duglegur að skipta inná.