Á næstu dögum hyggst körfuknattleiksdeild Breiðabliks ganga í alla grunnskóla bæjarins og kynna fyrir krökkunum körfuknattleik. Þetta er nokkuð viðamikið verkefni og munu þjálfarar hjá deildinni annast verkið. Allir krakkar í 1.-10. bekk fá æfingatöfluna afhenta auk þess sem sagt verður frá því sem er á döfinni hjá körfuknattleiksdeildinni í vetur.

Þetta er ekki í fyrsta sinn sem þetta er gert en kynning á borð við þessa hefur þegar skilað auknum fjölda iðkenda á undanförnum árum.

Krakkar í Kópavogi mega því búast við heimsókn í skólastofur þeirra von bráðar sem á örugglega eftir að reynast þeim hin besta skemmtun.

Af vef Breiðabliks.