Dómaranefnd KKÍ og stjórn KKDÍ auglýstu í íþróttakálfi Morgunblaðsins í dag eftir dómurum. Ástæðan er einföld: Það vantar sárlega dómara til starfa.

Nú býðst fyrrverandi og núverandi leikmönnum, jafnt konum sem körlum, sem eru orðnir tvítugir að aldri, að taka þátt í haustþingi körfuknattleiksdómara og öðlast þannig dómararéttindi. Nú er rétta tækifærið til að láta að sér kveða á þessum vettvangi.

Haustþingið verður haldið að Laugarvatni dagana 17. - 19. september 2004. Þátttakendur fá rúm með hreinum lökum, en leggja sjálfir til sængur/svefnpoka og kodda.

Fyrirlesarar verða Helgi Bragason, FIBA leiðbeinandi, Sigmundur Már Herbertsson, FIBA dómari, Aðalsteinn Hjartarson, fyrrverandi FIBA dómari og Hannes S. Jónsson, formaður dómaranefndar KKÍ.

Kostnaður: 9.000 kr. fyrir félagsmenn KKDÍ, 13.000 kr. fyrir aðra. Greiðist við upphaf haustfundar. Ekki er hægt að skuldfæra.

Þátttökutilkynningar berist KKDÍ eða dómaranefnd KKÍ/skrifstofu KKÍ eigi síðar en miðvikudaginn 15. september.

Dagskrá: (birt með fyrirvara um breytingar)

Föstudagur 17. september
19:00 – 19:30 Íþróttasalur / þrekpróf
19:45 Kvöldhressing
20:30 -22:30 Fyrirlestrar

Laugardagur 18. september
8:30 – 10:00 Morgunmatur
8:30 – 10:00 Sund og pottar fyrir þá sem vilja
10:00 – 12:00 Fyrirlestrar
12:00 Hádegismatur
13:00 – 17:00 Fyrirlestrar og skriflegt próf
17:30 Innanhúss-knattspyrnumót
20:00 Hátíðarkvöldverður á Lindinni

Sunnudagur 19. september
10:00 - 12:00 Morgunmatur og námskeiðslok

Nánari upplýsingar veita Hannes S. Jónsson, formaður dómaranefndar (begghann@simnet.is) og Gunnar Freyr Steinsson, ritari KKDÍ (gunni@mikkivefur.is).