KR-ingar unnu Valsmótið í kvöld þegar þeir lögðu ÍR-inga, 67-53, í úrslitaleik á Hlíðarenda. KR-liðið vann alla fimm leiki sína, flesta með góðum mun. KR-ingar hafa því unnið tvö undirbúningsmót fyrir tímabilið því þeir unnu einnig öruggan sigur á ÍR-mótinu í júlí. Lárus Jónsson var stigahæstur KR-inga í úrslitaleiknum með 16 stig en Jón Ólafur Jónsson skoraði 14 stig.

KR-liðið hafði frumkvæðið allan leikinn, var 17-12 yfir eftir fyrsta leikhluta, leiddi 29-28 í hálfleik og hafði 8 stiga forskot, 44-36, fyrir síðasta leikhlutann.

Lárus Jónsson stjórnaði sóknarleik KR-liðsins af mikilli röggsemi, skoraði 16 stig og gaf 5 stoðsendingar og annar nýr leikmaður KR-liðsins, Jón Ólafur Jónsson, var næststigahæstur með 14 stig á aðeins 20 mínútum.

Allir stóru mennirnir þrír í liði ÍR fengu tæknivillu og fóru útaf með fimm villur áður en leik lauk. Þeir tóku á sama tíma líka 26 fráköst aðeins þremur færra en allt KR-liðið til samans þar af voru 14 þeirra sóknarmeginn.

Atkvæðamestir hjá KR:
Lárus Jónsson 16 stig, 5 stoðs., 4 fráköst, hitti úr 11 af 16 vítum
Jón Ólafur Jónsson 14 stig
Sindri Páll Sigurðsson 10 stig
Steinar Kaldal 9 stig, 5 stolnir
Ólafur Már Ægisson 9 stig
Tómas Hermannsson 7 stig
Níels Dungal 1 stig, 10 fráköst, 6 stoðs.

Atkvæðamestir hjá ÍR:
Ólafur Jónas Sigurðsson 11 stig, 5 stolnir
Ólafur Þórisson 11 stig
Ásgeir Örn Hlöðversson 7 stig, 6 fráköst (4 í sókn)
Gunnlaugur Erlendsson 7 stig
Ómar Sævarsson 6 stig, 13 fráköst (6 í sókn), 3 varin
Fannar Freyr Helgason 6 stig, 7 fráköst (4 í sókn), 9 tapaðir

Samanburður á tölfræði liðanna:
Fráköstin: ÍR 37 - KR 29
Sóknarfráköst: ÍR 19 - KR 9
Tapaðir boltar: KR 16 - ÍR 24
Hraðaupphlaupsstig: ÍR 14 - KR 8
Vítaskot: KR 37/24 - ÍR 14/8
3ja stiga skot: KR 10/5 - ÍR 17/3
Stoðsendingar: KR 16 - ÍR 6

Úrslit leikja KR-inga á mótinu:
KR-Fjölnir 60-53
Valur-KR 33-51
KR-Hamar 53-21
KR-Haukar 47-36
KR-ÍR 67-53