Leikurinn var í járnum í fyrri hálfleik staðan jöfn í upphafi 9-9, en Danir sigu frammúr og komust í 9-16. Íslensku stelpurnar tóku þá við sér og minnkuðu muninn í 13-20 þegar Birna Valgarðsdóttir skoraði 3ja stiga körfu og komust svo í 17-20 áður en Danir skoruðu flautukörfu í lok fyrsta fjórðungs, sem endaði 17-22. Barningurinn hélt áfram Erla Reynisdóttir skoraði 3ja stiga körfu og jafnaði í 22-22. Síðan var jafnt var á öllum tölum og Alda Leif jafnaði á lokasekúndum fyrri hálfleiks 38-38.
Síðari hálfleikur byrjaði stórvel hjá íslensku stelpunum sem spiluðu fantagaóða vörn og stálu 4 boltum á stuttum kafla og komust í 48-40. Erla Þorsteins skoraði 3ja stiga körfu og breytti stöðunni í 51-42 og Alda Leif setti annan þrist og kom íslenska liðinu í 12 stiga forskot 54-42. Danir skoruðu svo 11 stig gegn 2 íslenska liðsins í lok fjórðungsins sem endaði 60-53 fyrir Ísland. Íslenska liðið skoraði fyrstu körfu síðasta fjórðungsins en Danir minnkuðu muninn í 62-59, Birna setti svo niður þrist og íslenska liðið var komið með vænlega stöðu 65-59 þegar 4:30 voru eftir af leiknum. Þá hrökk allt í baklás hjá íslensku stelpunum, boltinn vildi alls ekki fara ofan í körfuna hvort sem skotin komu úr auðveldum færum eða erfiðum. Danir skoruðu hinsvegar mikið inn í teig og úr vítum 15 stig í röð og breyttu stöðunni í 65-74.Á þessum tíma voru dæmdar tvær sóknarvillur á Helenu Sverrisdóttur og hún þurfti að yfirgefa völlinn með 5 villur er 2 mínútur voru eftir af leiknum. Síðasta orðið átti svo Erla Reynis úr þriggja stiga skoti og leikurinn endaði 68-76 fyrir Danmörk.
Ívar Ásgrímsson þjálfari var svekktur að íslenska liðið náði ekki að sigra og tryggja sér þriðja sætið í mótinum; "Það er gríðarlega sárt að tapa þessum leik. Stelpurnar börðust mjög vel og við vorum að spila okkar besta leik í mótinu. Við fengum mjög hæpnar villur dæmdar á okkur í lokin og Danirnir unnu leikinn á vítalínunni í lokin. Ég er mjög stoltur af stelpunum í þessum leik og við vorum óheppin að landa okkur öðrum sigri í mótinu."
Stigin: Helena Sverrisdóttir 14, Erla Þorsteinsdóttir, Signý Hermannsdóttir 12, Birna Valgarðsdóttir 12, Alda Leif Jónsdóttir 8 og Erla Reynisdóttir 8.