Rétt í þessu var að ljúka leik Íslands og Tékklands í B-deild Evrópumótsins U16. Íslensku strákarnir unnu 75-73 eftir framlengingu. Það verður ekki annað sagt en leikurinn hafi verið dramatískur. Ísland leiddi með 5 stigum í hálfleik en Tékkar spiluðu betur en okkar strákar í 3. leikhluta og komust 4 stigum yfir. Þegar skammt var til leiksloka áttu strákarnir tækifæri á að gera út um leikinn en misnotuðu 2 vítaskot og Tékkarnir jöfnuðu hinu megin og því varð að framlengja. Tékkar byrjuðu framlenginguna með 3ja stiga körfu en oftar en ekki vinnur liðið sem skorar fyrstu körfuna í framlengingu. Til að bæta gráu ofan á svart komust Tékkar 6 stigum yfir og útlitið mjög svo dökkt hjá íslenska liðinu. Með mikilli baráttu og pressuvörn tókst strákunum að jafna og komast yfir í lokin og sigra með tveimur stigum.

Maður leiksins er án efa Brynjar Björnsson en strákurinn gerði 38 stig og tók 14 fráköst. Tékkarnir réðu ekkert við strákinn sem skoraði alla vegana. Þröstur Jóhannsson átti mjög góðan leik og stóru strákarnir fá stórt prik fyrir baráttuna inni í teig gegn stórum og stæðilegum Tékkum inni í teig.

Thad er ljost ad tvaer framlengingar er ekki akjosanlegt thegar lid spilar 9 leiki a 10 dogum en strakarnir aetla ad gera allt sem i theirra valdi er ad vinna motid og koma Islandi i lokakeppni EM.