Hinar árlegu æfingabúðir KKÍ og Baden (áður And1), fyrir stráka og nú í fyrsta skipti einnig fyrir stelpur, verða haldnar Ásvöllum Hafnarfirði 16. til 20. ágúst fyrir 9-12 ára stelpur og 13-16 ára strákar og stelpur.

Búðirnar verða sem fyrr undir styrkri stjórn Ágústs Björgvinssonar, en hann býr yfir mikilli reynslu af æfingabúðum t.d. frá Duke University og Five Star Basketball Camp í Bandaríkjunum. Ágúst er nýkominn frá Litháen þar sem hann var aðstoðaþjálfari hjá þarlendu atvinnumannaliði. Hjá þessu liði, Lietuvos Rytas, starfa mjög virtir þjálfarar sem búa yfir margra ára reynslu af evrópskum körfuknattleik.

Á undanförum árum hafa nokkur hundruð leikmenn, bæði stelpur og strákar, sótt búðirnar og líkað vel. Ef þú ert áhugasamur körfuknattleiksmaður/kona máttu ekki missa af þessu einstaka tækifæri því að það er ekki á hverjum degi sem boðið er upp á körfuboltabúðir sem þessar. Margir af bestu og virtustu þjálfurum landsins hafa þjálfað og haldið fyrirlestra í búðunum og verður engin undantekning þar á í ár. Kevin Grandberg, Leon Perdue ofl.

Þetta er mjög gott tækifæri fyrir þig til þess að þroska hæfileika þína á sviði einstaklingsæfinga í lok sumars er kjörið tækifæri að skerpa á sögunni og stefna að því að verða betri í körfubolta og koma tilbúin fyirr næsta tímabil.

Breyting hefur orðið á námseiðinu í næstu viku. Frá 13.00 til 16.00 verður námskeið fyrir leikmenn á aldinum 10 til 18 ára í stað 11 ára og yngri.

Mánudaginn 16. ágúst til föstudagsins 20. ágúst
9.00 til 12.00 stelpur 12 til 18 ára 4.900 kr.

13.00 til 16.00 10 til 18 ára stelpur og strákar 4.900kr fyrir þær stelpur sem vilja fyrir og eftir hádegi kostar 6500 kr. fyrir báðar búðirnar.

Skráning fer fram á fyrsta degi námskeiðsins og með tölvupósti /SMS 696-9387. Veittur er 10% systkinaafsláttur

Frekari upplýsingar eru veittar hjá Ágústi í sima 696-9387 eða í gegnum tölvupóstfangið coachgusti@hotmail.com