Rétt í þessu var að hefjast fyrsti leikur íslenska kvennalandsliðsins í Norðurlandamótinu í Arvika í Svíþjóð, en hann er gegn Noregi. Byrjunarlið Íslands er þannig skipað að bakverðir eru Hildur Sigurðardóttir og Alda Leif Jónsdóttir, framherjar eru Birna Valgarðsdóttir og Erla Þorsteinsdóttir og miðherji er Signý Hermannsdóttir.

Mikill hiti er í Svíþjóð um þessar mundir eins og annars staðar á Norðurlöndum. Hitinn í Arvika er í kringum 30 C° og mikill raki í lofti. Að sögn Hannesar Hjálmarssonar framkvæmdastjóra KKÍ, sem er fararstjóri í ferðinni, eru allir að við hestaheilsu, en kvarta sáran yfir hitabylgjunni. Stelpurnar okkar mæta því vel sveittar til leiks í Arvika staðráðnar í að velja frændþjóðunum enn frekar undir uggum.

mt: Ívar Ásgrímsson kvennalandsliðsþjálfari stendur í ströngu í hitabylgju í Arvika þessa dagana.