Stelpurnar í U16 gerðu sér lítið fyrir og sigruðu Svía í úrslitaleik um annað sætið á Evrópumótinu í Eistlandi 66-63. Fyrr í dag tryggði Litháen sér sigur á mótinu með því að leggja Finna.

Stelpurnar okkar enduðu því með sama vinningshlutfall og Litháen (7 sigra og 1 tap) en þar sem Litháen hafði betur gegn okkur á dögunum þá sigra þær mótið.

HÉR ERU ALLIR AGNDOFA YFIR STÓRKOSTLEGUM ÁRANGRI STÚLKNANNA OG VEKJA ÞÆR MIKLA ATHYGLI HÉR Í EISTLANDI. ÞÆR ERU AÐ FLESTRA MATI SIGURVEGARAR MÓTSINS.

Allt liðið skilaði sínu hlutverki óaðfinnanlega í dag og eru stelpurnar i skýjunum með árangur sinn.

Guðrún Harpa Guðmundsdóttir 16 stig (6/4 í þriggja og 4/4 í vítum).
Helena Sverrisdóttir 15 stig, 11 fráköst, 9 stoðsendingar.
María Ben Erlingsdóttir 14 stig 7 fráköst.
Bryndis Guðmundsdóttir 10 stig, 11 fráköst.
Bára Bragadóttir 7 stig, 3 fráköst.
Ingibjörg Vilbergsdóttir 4 stig, 4 fráköst.