Birna Valgarðsdóttir varð stigahæsti leikmaður riðlakeppninnar á Promotion Cup í Andorra en hún skoraði alls 77 stig eða 19,3 að meðaltali. Birna skoraði einu stigi meira en Josephine Grima frá Möltu. Signý Hermannsdóttir varð í 10. sæti með 12,0 stig að meðaltali og Alda Leif Jónsdóttir er 13. með 11,8 stig í leik. Anna María Sveinsdóttir er fjórða stigahæst hjá íslenska liðinu með 9,8 stig í leik en hún er ekki meðal 20 efstu á mótinu.

Birna skoraði mest 27 stig gegn Andorra sem er þriðji stighæsti leikur sögunnar hjá einum leikmanni en eins var hún með 25 stig í síðasta leiknum gegn Möltu. Birna hefur skorað tólf 3ja stiga körfur í leikjunum (3 að meðaltali) og 44% þriggja stiga skota hennar hafa farið rétta leið.

Hægt er að nálgast heildartölfræði liðsins og staka leiki..