Atvinnumennirnir Logi Gunnarsson sem leikur með Giessen 46ers í Þýskalandi og Fannar Ólafsson með Ase Dukas í Grikklandi verða með körfuboltabúðir í Smáranum miðvikudaginn 4. ágúst og fimmtudaginn 5. ágúst 2004 kl. 16:00-19:00 báða dagana.
Búðirnar eru fyrir stráka og stelpur á aldrinum 9 - 18 ára. Æfingarnar í búðunum byggjast mikið upp á einstaklingsæfingum en Logi og Fannar hafa einmitt sjálfir lagt mikla áherslu á slíkar æfingar til þess að komast í atvinnumennskuna.
Þá mun Jón Arnór Stefánsson leikmaður með Dallas Mavericks í NBA líta við.
Verð fyrir búðirnar er 2.000 kr.