Birna Valgarðsdóttir var valinn maður leiksins eftir 61 stigs sigur á gestgjöfunum frá Andorra, 96-35, á Promotion Cup í Andorra í gærkvöld. Birna Valgarðsdóttir hélt upp á 50. leikinn med því að skora 27 stig á 26 mínútum og skora meira en lið Andorra til samans þegar hún var inná. Eftir leikinn var hún því hlaðn verðlaunum, bæði fyrir að vera valin maður leiksins sem og fyrir að spila sinn 50. landsleik.

Birna lék nákvæmlega í 26 mínútur og 26 sekúndur og þann tíma vann íslenska liðið með 52 stigum, skoraði 75 stig gegn aðeins 23. Birna sjálf skoraði 27 af þessum 75 stigum og því fjórum stigum meira en allt lið Andorra meðan hún var inná. Hún hitti 9 af 11 skotum sínum og stal fimm boltum af leikmönnum Andorra.

Hér fyrir neðan má sjá hvernig gekk hjá íslenska landsliðinu í sigurleiknum gegn Andorra á meðan ákveðnir leikmenn voru inn á vellinum.

Plús og mínus hjá íslenska liðinu gegn Andorra:
+52 Birna Valgarðsdóttir 26 mín:26 sek (75-23)
+42 Alda Leif Jónsdóttir 27:34 (69-27)
+37 Signý Hermannsdóttir 24:55 (63-26)
+37 Anna María Sveinsdóttir 21:46 (56-19)
+33 Hildur Sigurðardóttir 20:16 (56-23)
+32 Sólveig Gunnlaugsdóttir 22:37 (45-13)
+27 Erla Reynisdóttir 22.24 (43-16)
+23 Lovísa Guðmundsdóttir 20:34 (43-20)
+22 Marín Rós Karlsdóttir 13:28 (30-8)