Íslenska kvennalandsliðið spilar sinn fyrsta leik á Promotion Cup í Andorra í dag þegar liðið mætir Skotlandi klukkan 14:00 að íslenskum tíma. Þetta er fyrsti landsleikur þjóðanna en 30. leikur íslenska liðsins á Promotion Cup. Anna María Sveinsdóttir spilar sinn 25. landsleik á Promtion Cup í dag en þetta er fyrsti landsleikur hennar í tvö ár og sá 56. frá upphafi.

Stefnt er að því að allar upplýsingar um leikinn verði komnar inn á kki.is um klukkutíma eftir leik eða fyrir klukkan 17:00. Tölfræði leiksins verður inn á Leikvarpinu sem og undir nýjustu úrslit og eins verður sagt frá leiknum hér í frétt.