© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
9.6.2015 | 15:00 | Kristinn
Helena fyrsta íslenska konan til að skora 200 stig á Smáþjóðaleikum
Helena Sverrisdóttir, fyrirliði íslenska kvennalandsliðsins í körfubolta, bætti stigamet Önnu Maríu Sveinsdóttur á Smáþjóðaleikum á leikunum sem fóru fram á Íslandi í fyrstu viku júnímánaðar.

Helena bætti ekki aðeins met Önnu Maríu sem hafði staðið óhaggað í átján ár heldur varð hún einnig fyrsta íslenska konan til að skora 200 stig á Smáþjóðaleikum.

Anna María Sveinsdóttir skoraði 191 stig í 12 leikjum á fjórum Smáþjóðaleikum sínum frá 1989 til 1997 sem gera 15,9 stig að meðaltali í leik.

Helena var með 157 stig í leikjum sínum á leikunum fyrir Smáþjóðaleikana á Íslandi og vantaði því 35 stig til að bæta met Önnu Maríu. Helena bætti stigamet Önnu Maríu í sigrinum á Mónakó þar sem hún skoraði 16 stig en Helena var með 22 stig í fyrsta leiknum á móti Möltu.

Helena var því komin með 38 stig eftir tvo leiki á þessum Smáþjóðaleikum og var því aðeins fimm stigum frá því að komast yfir 200 stiga múrinn.

Anna María var fyrst til að fara yfir hundrað stiga múrinn en því náði hún á Smáþjóðaleikunum í Andorra árið 1991. Önnu Maríu vantaði síðan aðeins níu stig til að komast í 200 stigin þegar hún lagði landsliðsskóna sína á hilluna.

Helena var með tíu stig í lokaleiknum á móti Lúxemborg og hefur þar með skorað samtals 205 stig í 12 leikjum sínum á Smáþjóðaleikum sem gera 17,1 stig að meðaltali í leik.

Helena var alls með 48 stig á þessum Smáþjóðaleikum sem er það sjötta hæsta sem íslensk kona hefur skorað á einum leikum. Helena er einnig í fyrsta (2013) og þriðja sætinu (2009) á þessum lista sem má sjá hér fyrir neðan.

Helena tók einnig annað met af Önnu Maríu með því að vera stighæst í öllum þremur leikjum íslenska liðsins. Helena hefur nú verið stigahæst í átta leikjum Íslands á Smáþjóðaleikum en gamla metið voru sjö leikir hjá Önnu Maríu.

Flest fyrir íslenska kvennalandsliðið á Smáþjóðaleikum:
Helena Sverrisdóttir 205 (12 leikir)
Anna María Sveinsdóttir 191 (12)
Björg Hafsteinsdóttir 119 (12)
Birna Valgarðsdóttir 118 (12)
Olga Færseth 80 (6)
Guðbjörg Norðfjörð 77 (12)
Helga Þorvaldsdóttir 67 (15)
Signý Hermannsdóttir 67 (9)
Linda Stefánsdóttir 66 (9)
Hanna B. Kjartansdóttir 65 (12)

Flest stig að meðaltali á einstökum á Smáþjóðaleikum:
Helena Sverrisdóttir, 2013 20,3 (61 stig/3 leikir)
Anna María Sveinsdóttir, 1989 19,7 (59/3)
Helena Sverrisdóttir, 2009 19,0 (57/3)
Anna María Sveinsdóttir, 1997 17,3 (52/3)
Björg Hafsteinsdóttir, 1993 17,3 (52/3)
Helena Sverrisdóttir, 2015 16,0 (48/3)
Anna María Sveinsdóttir, 1991 14,3 (43/3)
Birna Valgarðsdóttir, 2005 14,3 (43/3)
Birna Valgarðsdóttir, 2009 14,3 (43/3)

Oftast stigahæst hjá íslenska kvennalandsliðinu á Smáþjóðaleikum:
Helena Sverrisdóttir 8 leikir
Anna María Sveinsdóttir 7
Birna Valgarðsdóttir 4
Björg Hafsteinsdóttir 3
Olga Færseth 3
Erla Þorsteinsdóttir 2
Anna Dís Sveinbjörnsdóttir 1
Alda Leif Jónsdóttir 1
Kristín Sigurðardóttir 1
Mótayfirlit
Mótayfirlit allra flokka
Leikmenn á leið á lokahóf KKÍ 1988 í gamla Broadway í Mjódd.  Ingvar Jónsson, Falur Harðarson og Albert Óskarsson.
DómarahorniðLeiðararTölfræðiSaganViðtalið