© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
5.6.2015 | 7:00 | Kristinn
Ekki fyrstu systurnar til að spila saman á Smáþjóðaleikum
Á morgun leika stelpurnar okkar lokaleik sinn á Smáþjóðaleikunum gegn Lúxemborg og verður hann á morgun laugardag 6. júní klukkan 13.30. Frítt er inn á alla leiki leikanna og áhorfendur því hvattir til að mæta og styðja við bakið á íslensku keppendunum okkar.

Systurnar Sverrisdóttir og Guðbjörg Sverrisdætur eru í hópi íslenska kvennalandsliðsins á Smáþjóðaleikunum sem fara að þessu sinni fram á Íslandi.

Helena Sverrisdóttir er fyrirliði liðsins og hefur verið fastamaður í íslenska landsliðinu í meira en tíu ár en yngri systir hennar á aðeins að baki einn landsleik.

Guðbjörg Sverrisdóttir, sem er fjórum árum yngri en Helena, spilaði sinn fyrsta og eina landsleik í fyrrasumar en hún var þá þrettándi maður fyrir Evrópukeppni Smáþjóða í Austurríki.

Leikirnir á Smáþjóðaleikunum í Laugardalshöllinni verða því fyrstu keppnisleikir þeirra systra saman en þær hafa spilað einn landsleik saman.

Guðbjörg, sem hefur spilað 50 landsleikjum færra en stóra systir, spilaði sinn eina landsleik á móti Dönum í Stykkishólmi í fyrrasumar. Systurnar voru þá með 35 stig í naumu tapi eftir framlengingu.

Helena var reyndar með 30 af þessum 35 stigum auk þess að taka 9 fráköst, gefa 6 stoðsendingar og stela 5 boltum. Guðbjörg skoraði 5 stig á 8 mínútum og hitti úr báðum skotum sínum.   

Þær Helena og Guðbjörg verða þó ekki fyrstu systurnar til að spila saman í körfuboltalandsliðinu á Smáþjóðaleikum.

Það kom í hlut þeirra Sigrúnar Sjafnar og Guðrúnar Óskar Ámundadætra frá Borgarnesi á Smáþjóðaleikunum á Kýpur árið 2009.

Guðrún Ósk náði ekki að skora í leikjunum þremur og því geta þær Helena og Guðbjörg orðið fyrstu systurnar sem skora báðar í leik með íslenska kvennalandsliðinu á Smáþjóðaleikum.

Sigrún Sjöfn Ámundadóttir er í íslenska landsliðshópnum á Smáþjóðaleikunum í ár en Guðrún Ósk hefur ekki spilað með landsliðinu frá árinu 2009.
Mótayfirlit
Mótayfirlit allra flokka
Signý Hermannsdóttir, fyrirliði íslenska landsliðsins, stappar hér stálinu í liðsfélag sinn Helgu Einarsdóttur sem var að koma inn á í sínum fyrsta landsleik gegn Sviss að Ásvöllum 27. ágúst 2008.
DómarahorniðLeiðararTölfræðiSaganViðtalið