© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
2.6.2015 | 11:02 | Kristinn | Landslið
Smáþjóðaleikarnir hefjast í dag · Ísland-Malta í kvöld hjá konunum


Í gær voru 16. Smáþjóðaleikarnir settir og í dag er komið að fyrstu leikjunum í körfunni. Í kvöld leika svo stelpurnar okkar sinn fyrsta leik gegn Möltu í Laugardalshöllinni og hefst hann klukkan 19.30.

Margrét mætt á Smáþjóðaleika á ný eftir 24 ára fjarveru
Margrét Sturlaugsdóttir, annar aðstoðarþjálfara íslenska kvennalandsliðsins á Smáþjóðaleikunum, hefur sjálf spilað á leikunum.

Margrét er aðstoðarþjálfari Ívars Ásgrímssonar alveg eins og í fyrrasumar en Margrét hefur einnig tekið við kvennaliði Keflavíkur og mun þjálfa liðið í Domino's-deildinni næsta vetur.

Það eru nú liðin 24 ár síðan að Margrét Sturlaugsdóttir tók síðast þátt í Smáþjóðaleikunum.

Margrét var með á bæði á Smáþjóðaleikunum á Kýpur 1989 og Smáþjóðaleikunum í Andorra 1991 en þetta var í tvö fyrstu skiptin sem íslenska kvennalandsliðið var með á Smáþjóðaleikunum.

Margrét vann silfur með liðinu á Kýpur 1989 og brons í Andorra tveimur árum síðar og getur nú vonandi fullkomnað safnið, það er með því að ná gullinu á leikunum í ár.

Margrét var aðeins önnur tveggja leikmanna sem spiluðu sex fyrstu leiki íslenska kvennalandsliðsins á Smáþjóðaleikum en hin var Anna María Sveinsdóttir.

Anna María Sveinsdóttir var einmitt aðstoðarþjálfari íslenska liðsins á Smáþjóðaleikunum í Lúxemborg fyrir tveimur árum.

Margrét skoraði 10 stig og tvær þriggja stiga körfur í þremur leikjum á Smáþjóðaleikunum á Kýpur 1989 og var síðan með 14 stig og eina þriggja stiga körfu Smáþjóðaleikunum í Andorra 1991.

Margrét skoraði tvær fyrstu þriggja stiga körfur íslenska kvennalandsliðsins á Smáþjóðaleikum sem komu báðar í sigurleik á móti Mónakó á Smáþjóðaleikunum á Kýpur 1989. 

Stelpurnar okkar spila í kvöld og síðan við Mónakó á fimmtudeginum 4. júní (klukkan 17.00) og svo lokaleikinn sinn á móti Lúxemborg á laugardeginum 6. júní (klukkan 13.30).

Íslenskir dómarar hefja störf í dag
Leifur Garðarsson og Aðalsteinn Hjartarson eru 2/3 af dómaratríóinu í opnunarleik körfuknattleikskeppninnar á Smáþjóðaleikunum í dag.
Þeir dæmdu síðast saman leik Skallagríms og KR þann 29. febrúar 1996 en eftir það flutti Aðalsteinn til Sviss þar sem hann er búsettur en er nú kominn heim til að dæma á leikunum.
Mótayfirlit
Mótayfirlit allra flokka
Lið Hauka sem sigraði í 2. deildinni vorið 1981. Aftari röð frá vinstri: Rúnar Brynjólfsson formaður körfuknattleiksdeildar Hauka, Höskuldur Björnsson, Ólafur Rafnsson, Kári Eiríksson, Kristján Arason, Eyþór Árnason, Þorteinn Aðalsteinsson, Sverrir Hjörleifsson, Birgir Örn Birgis þjálfari og Sigurbergur Steinsson stjórnarmaður. Fremri röð frá vinstri: Pálmar Sigurðsson, Sveinn Sigurbergsson, Hálfdan Markússon, Guðjón Þórðarson, Ingvar S. Jónsson og Einar Örn Birgisson sonur þjálfarans.
DómarahorniðLeiðararTölfræðiSaganViðtalið