Af heimasíðu körfuknattleiksdeildar ÍR :

Fjölskylda Þórðar Willardssonar, okkar ágæta félaga úr ÍR sem lést í apríl, hefur stofnað sérstakan minningarsjóð helgaðan honum. Af því tilefni efndu þau ásamt skólafélögum Þórðar úr Menntaskólanum Hraðbraut og strákunum úr ÍR til körfuboltahátíðar nú um helgina. Spilaður var körfubolti í 24 klst samfleytt og tekið ámóti áheitum og framlögum í minningarsjóðinn. Þessi viðburður gekk mjög vel, það var fín þátttaka hjá ÍR-ingum, skólafélögum og vinum Þórðar og safnaðist vel í sjóðinn. Jónsi (úr Svörtum fötum) kom í heimsókn og lék einn leik, einnig mætti hljómsveitin Brain Police á svæðið og lét til sín taka. En umfram allt höfðu þátttakendur gaman af þessu uppátæki, um leið og þeir minntust góðs drengs.