Leifur Garðarsson körfuknattleiksdómari hefur verið tilnefndur af FIBA til að dæma tvo leiki í Evrópukeppnum félagsliða í Belgíu í næsta mánuði.

Þann 14. nóvember dæmir Leifur leik Telindus Antwerpen og BK Slovakofarma frá Slóvakíu í riðlakeppni Saporta keppninnar, sem er nokkurs konar Evrópukeppni bikarhafa.

Daginn eftir dæmir Leifur hjá Helga Jónasi Guðfinnssyni og félögum í FLV Athlon Ieper er þeir mæta UNICAJA Malaga frá Spáni í riðlakeppni Korac keppninnar.