Kvennalandslið Íslands og Englands mætast í þremur vináttulandsleikjum nú um Hvítasunnuhelgina. Þetta eru fyrstu leikir kvennalandsliðsins frá því Ívar Ásgrímssin tók við stjórn liðsins. Leikirnir eru einnig þeir fyrstu sem enska liðið leikur síðan í desember 2002.

Fyrsti leikurinn verður annað kvöld, föstudagskvöld kl. 20:00 í Keflavík, á laugardag verður leikið í Grindavík kl. 17:00 og á sunnudag mætast liðin á Ásvöllum kl. 11:00. Enska liðið heldur af landi brott síðdegis á sunnudag.

Íslenska liðið er skipað eftirtöldum leikmönnum:
Nafn Félag Leikstaða
Alda Leif Jónsdóttir ÍS Bakvörður
Birna Valgarðsdóttir Keflavík Framherji
Erla Reynisdóttir Keflavík Framherji
Erla Þorsteinsdóttir Keflavík Miðherji fl.
Hildur Sigurðardóttir KR Bakvörður
Lovísa Guðmundsdóttir ÍS Framherji
María Ben Erlingsdóttir Keflavík Miðherji
Marín R Karlsdóttir Keflavík Bakvörður
Ólöf Helga Pálsdóttir Grindavík Framherji
Petrúnella Skúladóttir Grindavík Framherji
Rannveig K Randversdóttir Keflavík Bakvörður
Signý Hermannsdóttir ÍS Miðherji vfl.
Sólveig Gunnlaugsdóttir Grindavík Framherji
Anna María Sveinsdóttir gaf ekki kost á sér í þetta verkefni vegna anna. Svava Stefánsdóttir meiddist á hné á æfingum og verður frá keppni í u.þ.b. tvær vikur.Helena Sverrisdóttir meiddist á baki á Norðurlandamóti unglinga og þarfnast hvíldar.