Íslendingurinn Óskar Þórðarson er aðstoðarþjálfari norska drengjalandsliðsins í körfubolta á NM.

Óskar er Þorlákshafnarbúi að upplagi og lék lengi með Þór Þorlákshöfn heima á Íslandi. Hann hefur hins vegar verið búsettur í Noregi síðustu fjögur árin, en þar nemur hann íþróttafræði við Norges Idrettshögskole.

Hann hefur verið að spila og þjálfa í Noregi, en í vetur var hann spilandi þjálfari í norsku 2. deildinni. Næsta vetur verður hann spilandi þjálfari með Persbråten í norsku 1. deildinni. Hann stefnir að sjálfsögðu að koma heim á næstu árum og auðga íslenska þjálfaraflóru.