Úrslitakeppni NBA-deildarinnar hefst í kvöld. Þá fara fram fyrstu leikirnir í 8-liða úrslitum deildanna tveggja, Austurdeildar og Vesturdeildar. Efsta lið deildarinnar kemur þetta árið úr Austurdeildinni, en það er Indiana Pacers, sem sigraði í 61 leik. Efsta lið Vesturdeildarinnar er hins vegar Minnesota Timberwolves, en liðið vann 58 leiki.

Þau lið sem mætast í 8-liða úrslitum deildanna eru Indiana - Boston, New Jersey - New York, Detriot - Milwaukee og Miami - New Orleans austan megin og Minnesota - Denver, LA Lakers - Houston, San Anotonio - Memphis og Sacramento - Dallas vestan megin.

Nánar um úrslitakeppnina á vef NBA

Í kvöld, laugardagskvöld, verður leikur Indiana Pacers og Boston Celtics sýndur beint á Sýn kl. 21:55.