Körfuknattleiksdeild Þórs á Akureyri og Julian Martinez Alman hafa komist að samkomulagi um að Julian láti af störfum frá og með deginum í dag sem þjálfari meistaraflokks karla, drengjaflokks og 11. flokks karla. Góð sátt ríkir um þessar málalyktir hjá báðum aðilum. Körfuknattleiksdeildin þakkar Julian fyrir hans störf og óskar honum velfarnaðar á nýjum vettvangi.

Ekki hefur verið tekin nein ákvörðun um hver tekur við sem þjálfari meistaraflokks karla en Guðmundur Ævar Oddsson mun stýra 11. flokki og drengjaflokki það sem eftir lifir tímabilsins.

Fréttatilkynning frá körfuknattleiksdeild Þórs Ak.