Haukar unnu sætan sigur á liði Laugdæla í gær með 73 stigum gegn 42. Sigurinn var aldrei í hættu og hafa Haukar unnið alla leiki sína í 2. deild kvenna og flesta með yfirburðum.

Sigurinn tryggði liðinu sigur í 2. deildinni og sæti í 1. deild að ári og er ljóst að liðið á eftir að láta til sín taka í þeirri deild.

Ólafur Rafnsson og Pétur Hrafn Sigurðsson frá KKÍ afhentu Haukum sigurlaunin.

Eftir leik buðu Haukar leikmönnum og forsvarsmönnum upp á glæsilegt veisluhlaðborð þar sem sæti í 1. deild á næsta keppnistímabili var fagnað.