© 2000-2021 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
7.2.2004 | 18:48 | óój
Keflavík vann bikarinn annað árið í röð
Keflavík varð í kvöld fyrsta félagið í heilan áratug til að verða bikarmeistari tvö ár í röð í karlaflokki þegar Keflavíkurliðið vann 19 stiga sigur á nágrönnum sínum í Njarðvík, 93-74, í bikarúrslitaleik KKÍ og Lýsingar í Laugardalshöll í dag. Keflavík hafði frumkvæðið allan tímann, leiddi með sjö stigum í hálfleik, 47-40, og með 14 stigum eftir þriðja leikhluta, 74-60. Þetta er í fimmta sinn sem Keflavík vinnur bikarinn og allir bikartitlarnir hafa komið í hús á síðustu ellefu árum.

Derrick Allen og Arnar Freyr Jónsson áttu báðir stórleik í liði Keflavíkur, Allen var með 29 stig og 20 fráköst og Arnar Freyr var með 20 stig, 9 stoðsendingar og 5 stolna bolta. Arnar Freyr kom mörgum á óvart með veru sinni í byrjunarliði Keflavíkur en þar veðjuðu þjálfararnir Guðjón Skúlason og Falur Harðarson greinilega á réttan hest. Arnar skoraði 9 stig í fyrsta leikhlutanum og gerði Njarðvíkingum lífið leitt allan leikinn enda óhemju snöggur og fljótur að snúa vörn í sókn. Nick Bradford skilaði líka sínu og var með 22 stig, 6 fráköst og 4 stolna bolta og fyrirliðinn Gunnar Einarsson, var með 8 stig, 7 fráköst og 4 stolna bolta en Keflavík stal alls 19 boltum af nágrönnum sínum í þessum leik.

Brenton Birmingham skoraði mest fyrir Njarðvík með 24 stig auk þess að taka 8 fráköst og gefa 4 stoðsendingar og Friðrik Stefánsson var með 18 stig, 18 fráköst, 4 stoðsendingar og 7 varin skot. Nýi maðurinn hjá Njarðvík, Larry Bratcher skoraði átta fyrstu stig liðsins en síðan ekki söguna meira og klikkaði hann á 9 síðustu skotum sínum í leiknum. Þeir Halldór Rúnar Karlsson og Ragnar Ragnarsson skoruðu einnig 8 stig fyrir Njarðvíkurliðið sem tapaði 25 boltum í leiknum þar af voru þeir Brenton (9), Bratcher (6) og Brandon Woudstra (4) með 19 saman. Brandon lék augljóslega sárþjáður og náði sér ekki á strik, klikkaði á 5 af 6 skotum og skoraði aðeins 2 stig á 31 mínútu.

Keflavík varð eins og áður sagði fyrsta félagið í áratug til að verja bikarmeistaratitil sinn í karlaflokki eða síðan þeir sjálfir unnu bikarinn 1993 og 1994. Keflavík vann ennfremur tvöfalt í Höllinni í fjórða sinn því fyrr í dag unnu Keflavíkurstúlkur 72-69 sigur á KR í bikarúrslitaleik kvenna. Keflavík vann einnig tvöfaldan bikarsigur 1993, 1994 og 1997 en KR (1977) og ÍS (1978) eru einu félögin sem hafa afrekað slíkt.

Flestir bikarmeistaratitlar karla 1970-2004:
9 KR (1970, 71, 72, 73, 74, 77, 79, 84, 91)
7 Njarðvík (1987, 88, 89, 90, 92, 99, 2002)
5 Keflavík (1993, 94, 97, 2003, 04)
3 Valur (1980, 81, 83)
3 Haukar (1985, 86, 96)
3 Grindavík (1995, 98, 2000)
2 Ármann (1975, 76)
1 ÍS (1978)
1 Fram (1982)
1 ÍR (2001)

Bikarmeistaratitlar Keflavíkur:
1993: Keflavík 115-76 Snæfell
1994: Keflavík 100-97 Njarðvík
1997: Keflavík 77-66 KR
2003: Keflavík 95-71 Snæfell
2004: Keflavík 93-74 Njarðvík

Tvöfaldir bikarmeistarar 1970-2004:
1977: KR
1978: ÍS
1993: Keflavík
1994: Keflavík
1997: Keflavík
2004: Keflavík
Mótayfirlit
Mótayfirlit allra flokka
Erla Reynisdóttir fyrirliði Keflavíkur lyftir Íslandsbikarnum vorið 1998 en það tímabil varð Keflavík einnig bikarmeistari.
DómarahorniðLeiðararTölfræðiSaganViðtalið