Suðurnesjaliðin Keflavík, Njarðvík og Grindavík töpuðu öll leikjum sínum í 16. umferð Intersport-deildarinnar í gærkvöldi og er það í fyrsta skipti í níu ár sem slíkt gerist í deildinni.

Keflavík tapaði fyrir Snæfelli í Stykkishólmi 94-90, Njarðvík tapaði heima fyrir Hamri, 73-90 og Grindavík tapaði fyrir Haukum í Hafnarfirði 89-79. Önnur úrslit í deildinni í gær voru þau að KFÍ vann Þór Þ. á Ísafriði, ÍR vann Breiðablik í Smárnum og Tindastóll vann KR á Sauðárkróki.

Með þessum úrslitum komst Snæfell í efsta sæti deildarinnar á kostnað Grindavíkur, sem hefur lakari innbyrðis stöðu gagnvart Snæfelli. Grindavík hafði haldið toppsætinum frá byrjun móts. Þetta er í fyrsta skipti í langan tíma sem Snæfell situr í efsta sæti deildarinnar, ef það hefur þá nokkurn tíman gerst áður. Sjá nánar úrslit og stöðuna í deildinni.

Níu ár eru liðin síðan suðurnesjaliðin töpuðu öll leikjum sínum í sömu umferðinni í deildinni. Það gerðist síðast í 2. umferð 1995, en þann 1. október það ár tapaði Keflavík fyrir ÍR í Seljaskóla, Grindvíkingar töpuðu fyrir Skallagrím í Borgarnesi og Njarðvíkingar töpuðu á heimavelli fyrir Tindastól.