Í síðustu viku sendi  stjórn KKÍ út formlegt þingboð um þing sambandsins 8. og 9. maí næstkomandi samkvæmt lögum KKÍ.  Þingið verður haldið í Íþróttamiðstöðinni í Laugardal. ??Sambandsaðilum til upplýsinga og glöggvunnar eru helstu dagssetningar fram að þingi sem hafa þarf í huga samkvæmt lögum KKÍ:
 
· Í síðasta lagi fimmtudaginn 26. mars þarf stjórn KKÍ að senda út þingboð á sambandsaðila KKÍ og hefur það verið gert.?

· Föstudagurinn 17. apríl er síðasti dagur fyrir sambandsaðila að skila inn tillögum fyrir þingið.

· Í síðasta lagi föstudaginn 17. apríl skal skrifstofa KKÍ senda kjörbréf til allra sambandsaðila.?

· Þriðjudagurinn 28. apríl er síðasti dagur til að skila inn framboðum til stjórnar.

· Í síðasta lagi föstudaginn 1. maí þarf stjórn KKÍ að senda út tillögur sem liggja fyrir þinginu, dagskrá þings og ársskýrslu á sambandsaðila.

· Í síðasta lagi föstudaginn 1. maí þurfa sambandsaðilar að skila inn útfylltum kjörbréfum til skrifstofu KKÍ.
 
Lög og reglugerðir
Lög KKÍ og allar reglugerðir sambandsins má nálgast á heimasíðu KKÍ á eftirfarandi slóðum:
http://www.kki.is/log.asp
http://www.kki.is/reglugerdir.asp

Nánari dagskrá og kjörbréf verða send út þegar nær dregur þingi og samkvæmt lögum KKÍ.?

Ef sambandsaðilar óska eftir frekari upplýsingum eða aðstoð vegna tillögugerðar fyrir þingið þá er um að gera að hafa samband við skrifstofu KKÍ.