Körfuknattleiksdeild Þórs á Akureyri var með körfuboltakynningu fyrir nemendur Lundarskóla sl. mánudag. Kynningin gekk framar vonum en henni verður framhaldið nk. föstudag. Var þetta gert af því tilefni að þann 10. janúar sl. voru settar upp körfur í íþróttahúsi Lundarskóla, sem einnig er KA-heimilið.

Ekki var seinna vænna að setja upp körfurnar því 12 ár eru frá því að íþróttahúsið var reist. Að hafa ekki körfur brýtur í bága við grunnskólalög og í raun ótrúlegt að það hafi tekið allan þennan tíma að fá þetta mál í gegn. Þess má geta að KKÍ benti bæjaryfirvöldum á Akureyri á þetta áfremdarástand á sl. ári og fagnar því að úr hafi verið bætt.

Af vef Þórsara.