Íslendingar eru víða að gera garðinn frægan í körfunni utan landsteinanna. Sport.is segir frá því í körfuboltafréttum að Sauðkrækingurinn Ísak Einarsson hafi leikið sinn fyrsta leik í nokkurn tíma með Álaborg í dönsku 1. deildinni, þegar liðið heimsótti SISU til Kaupmannahafnar á sunnudaginn.

SISU sigraði með 17 stigum, 104-87 og má sjá greinileg batamerki á leik Álaborgarliðsins. Liðið hefur fengið senegalskan leikmann til liðs við sig, Mohamed Niang.

Ísak átti mjög góðan leik, skoraði 19 stig á þeim 37 mínútum sem hann lék, þar af 5 þriggja stigakörfur úr 8 tilraunum. Hann tók 2 fráköst, stal 3 boltum en tapaði 1 bolta, segir í fréttinni á Sportid.is.

Á heimasíðu Álaborgarliðsins segir einnig: "Það mátti greinilega sjá að endurkoma Ísaks Einarssonar var mikil lyftistöng og gaf liðinu þá þyngd í varnarleiknum sem til þurfti.

Áður en Ísak fór til Danmerkur hafði hann leikið 6 tímabil í úrvalsdeildinni; 4 með Tindastóli og 2 með Breiðabliki.