Vefur ÍR hefur verið valinn körfuboltavefur desember mánaðar. Tíðar fréttir af meistaraflokkum sem og yngri flokkum og fagmannlega unnið og líflegt jóladagatal setti svip sinn á ÍR-vefinn í desember.

Þetta er annað árið í röð sem ÍR-ingar brydda upp á þessari nýjung og sem fallið hefur vel í kramið hjá netverjum. Það staðfestir aukin heimsóknartíðni á vef þeirra. Vonandi verður framhald á þessu skemmtilega framtaki.

Myndin er af Sigurgeiri Geirssyni vefstjóra ÍR með bikarinn fyrir vef desember mánaðar.