Alda Leif Jónsdóttir, fyrirliði toppliðs ÍS í 1. deild kvenna skilar mestu til síns liðs af þeim íslensku leikmönnum sem spila í deildinni. Hér er farið eftir framlagsjöfnu NBA-deildarinnar sem er orðin fastur liður í mati á frammistöðu leikmanna í deildinni. Jafna þessa leggur saman jákvæðu tölfræðiþættina (stig, fráköst, stoðsendingar, stolna bolta og varin skot) og dregur frá þá neikvæðu (tapaðir boltar, misheppnuð skot og misheppnuð víti). Alda Leif skilar 23,5 framlagsstigum til síns liðs, aðeins meiru en Hildur Sigurðardóttir sem skorar mun meira og frákastar mun betur en tapar á móti mun fleiri boltum og misnotar fleiri skot. Hildur er með framlag upp á 22,2 í leik en þriðja er Anna María Sveinsdóttir með 19,3 stig út úr framlagsjöfnunni að meðaltali.

Hæsta framlag til síns liðs að meðaltali: (Framlagsjafna NBA-deildarinnar)
Lágmörk: 8 leikir
3 Alda L Jónsdóttir ÍS 23,5
4 Hildur Sigurðardótti KR 22,2
5 Anna M Sveinsdóttir Keflavík 19,3
6 Birna I Valgarðsdótt Keflavík 17,8
7 Sólveig H Gunnlaugsd Grindavík 16,5
8 Svandís A Sigurðardó ÍS 15,4
9 Lovísa A Guðmundsdót ÍS 12,7
10 María B Erlingsdótti Keflavík 10,1
11 Hafdís E Helgadóttir ÍS 9,8
12 Kristrún Sigurjónsdó ÍR 9,7
13 Lilja Oddsdóttir KR 9,4
14 Rannveig K Randversd Keflavík 9,3
15 Guðrún Ó Guðmundsdót Grindavík 9,2
16 Svava Ó Stefánsdótti Keflavík 9,0
17 Erla Reynisdóttir Keflavík 8,9
18 Halla M Jóhannesdótt KR 6,7
18 Gréta M Jósepsdóttir Njarðvík 6,7
20 Petrúnella Skúladótt Grindavík 6,3

- Númerið fyrir framan er röð leikmanna á heildarlistanum.

1. deild kvenna hefst á nýjan leik með heilli umferð laugardaginn 3. janúar. Hér á KKÍ-síðunni má nú finna alla hugsanlega topplista yfir bestu (og verstu) frammistöðu leikmanna deildarinnar í fyrri hlutanum. Þennan topplista sem og fleiri má finna í ítarlegri samantekt sem er undir greinum á KKÍ-síðunni og hægri er fara beint inn á hér. Næstu daga munu birtast hér á KKÍ-síðunni suttar féttir úr tölfræði deildarinnar það sem af er en hvergi er tekin saman eins umfangsmikil tölfræði innan sérsambanda ÍSÍ eins og hjá Körfuboltasambandinu.