© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
29.12.2003 | 21:57 | óój
21 stigs sigur landsliðsins í seinni leiknum
Íslenska landsliðið vann 21 stigs sigur, 82-61, á bandaríska háskólaliðinu Catawba College í síðari leik liðanna í Þorlákshöfn í kvöld. Ísland hafði yfir 36-32 í hálfleik. Aftur var það miðherji íslenska liðsins sem gerði leikmönnum Catawba lífið leitt en Fannar Ólafsson var með 18 stig og 11 fráköst í leiknum. Eiríkur Önundarson kom honum næstur með 15 stig og 7 stoðsendingar og einn allra besti maður íslenska liðsins í leiknum, Páll Kristinsson, var með 13 stig og 6 stoðsendingar. Það var frábær vörn sem var aðall íslenska liðsins en leikmenn Íslands vörðu heil 20 skot og leikmenn Catawba hittu aðeins úr 20 af 76 skotum sínum og skoruðu 19 stiga sinna af vítalínunni. Helgi Már Magnússon skoraði 12 stig, tók 5 fráköst og gaf 3 stoðsemdingar í liði Catawba en Jolly Manning var aftur atkvæðamestur með 14 stig og 10 fráköst.

Líkt og Friðrik Stefánsson kvöldið áður var það íslenski miðherjinn sem reyndist leikmönnum Catawba erfiður. Fannar Ólafsson kom inn í liðið í forföllum Hlyns Bæringssonar sem var veðurteftur og hitti úr 8 af 10 skotum, skoraði 18 stig og tók 11 fráköst. Eiríkur Önundarson stjórnaði leik íslenska liðsins vel og skoraði 15 stig auk þess að senda 7 stoðsendingar og Páll Kristinsson spilaði frábæra vörn og bætti við 13 stigum og 6 stoðsendingum að auki.

Guðmundur Jónsson lék einnig vel og var með 10 stig, Axel Kárason og Magnús Þór Gunnarsson skoruðu báðir 6 stig, Ómar Sævarssom var með 5 stig og 7 fráköst á aðeins 16 mínútum og Egill Jónasson skoraði 5 stig og varði 9 af þeim 20 skotum sem íslenska liðið varði í leiknum. Halldór Örn Halldórsson varði þannig 6 skot á aðeins 13 mínútum en náði þó ekki að komast á blað. Sævar Ingi Haraldsson nýtti sínar 9 mínútur vel og var með 4 stig og 4 stoðsendingar.

Helgi Már Magnússon lék ágætlega í leiknum skoraði 12 stig, tók 5 fráköst og gaf 3 stoðsemdingar í liði Catawba en Jolly Manning var aftur atkvæðamestur með 14 stig og 10 fráköst og Brian Graves skoraði 9 stig, tók 5 fráköst og gaf 4 stoðsendingar. Liðið gerði færri mistök en kvöldið áður hvað varðar tapaða bolta (16 gegn 22) og fékk mun færri stig á sig úr hraðaupphlaupum (11 gegn 39) en skotnýtingin var slök og liðið sleppti alltof mikið af opnum skotfærum og sótti þess í stað inn í miðja íslensku vörnina sem gaf lítil færi á sér og varði hvert skotið á fætur öðru.

Mótayfirlit
Mótayfirlit allra flokka
Teitur Örlygsson í baráttu við Bjarna Magnússon í leik Njarðvíkur og Grindavíkur.
DómarahorniðLeiðararTölfræðiSaganViðtalið