Kjör íþróttamanns ársins fer fram í kvöld laugardaginn 3. janúar og verður sýnt beint frá athöfninni á RÚV. Útsendingin hefst kl. 19.40.

Körfuknattleikshreyfingin á tvær tilnefningar í ár en annarsvegar er Jón Arnór Stefánsson á topp 10 og tilnefndur sem íþróttamaður ársins og íslenska karlalandsliðið er tilnefnt í flokknum „Lið ársins“.

Það verður því spennandi að sjá niðurstöður kosningarinnar en það eru Samtök íþróttafréttamanna sem standa að kjörinu.