© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
24.11.2014 | 16:00 | Kristinn | KKÍ, Landslið
DHL Express á Íslandi verður einn af aðalstyrktaraðilum KKÍ


Nú rétt í þessu undirrituðu Körfuknattleikssambands Íslands og flutningafyrirtækið DHL Express nýjan samning sem gerir DHL að einum af aðal styrktaraðilum körfuknattleiks á Íslandi til þriggja ára.

Körfuboltinn er í mikilli sókn hér á landi en sem kunnugt er tryggði karlalandsliðið sér þátttökurétt á lokamóti Evrópukeppninnar sem fram fer á næsta ári.

Í tilefni samningsins voru þeir Illugi Gunnarsson, menntamálaráðherra, Hafþór Júlíus Björnsson, einn sterkasti maður heims, og grínistinn Steindi Jr. fengnir til að reyna sig í troðslukeppni og þriggja stiga keppni í körfubolta í DHL-höllinni í Frostaskjóli.

Það er ekki að ástæðulausu sem þessir þrír kappar voru valdir til að keppa sín á milli í körfubolta. Hafþór Júlíus var einn efnilegasti körfuknattleiksmaður landsins og lék í yngri landsliðum Íslands áður en hann snéri sér að kraftlyftingum. Illugi Gunnarsson er ráðherra íþróttamála en Steindi Jr. lék sér stundum í körfubolta á sínum yngri árum – að því að best er vitað.

Til að gæta allrar sanngirni, og til að vega upp hæðar- og stærðarmun, fá menntamálaráðherra og grínistinn að stökkva á trampólíni til að reyna að troða boltanum ofan í körfuna.

Frétir og myndir af keppninni má síðan sjá á facebook-síðu KKÍ.

Hannes S. Jónsson, formaður KKÍ, og Atli Freyr Einarsson, framkvæmdastjóri DHL Express á Íslandi, dæmdu keppnina um leið og þeir undirrituðu samstarfssamninginn.
Mótayfirlit
Mótayfirlit allra flokka
A-landslið kvenna á röltinu í Belgrad sumarið 2008. Liðið var á keppnisferðalagi en stelpurnar léku við Svartfjallaland í ferðinni.
DómarahorniðLeiðararTölfræðiSaganViðtalið