KKÍ stendur fyrir fyrsta 3x3 körfuboltamótinu hérlendis sem keppir eftir keppnisreglum FIBA í 3-á-3. Mótið fer fram milli jóla og nýárs, sunnudaginn 28. des. Stefnt er að því að halda fleiri mót fyrir næsta sumar og í framhaldinu að halda formlegt íslandsmeistaramót í 3x3.

Mótið nú verður haldið í umsjón Stjörnunnar í Garðabæ og fer keppni öll fram innandyra í Ásgarði á 6 völlum. Keppt verður í 4 aldursflokkum karla og 3 flokkum kvenna hjá fullorðnum og svo í yngriflokkum en þeir flokkar eru 15-16 ára og 17-19 ára hjá strákum og stelpum.

Skráning stendur yfir frá 21. nóv. - 15. des eða á meðan sæti á mótinu eru í boði. Athugið að takmarkaður liðafjöldi er í hverjum aldursflokki.

Skráning hefst í fyrramálið kl. 10.00 á 3x3planet.com.

Nánari upplýsingar má sjá á kki.is/3x3.asp fyrir leiðbeiningar og frekari upplýsingar og svo skrá leikmenn og lið sig til leiks á www.3x3planet.com.