KKÍ mun standa fyrir dómaranámskeiði núna í nóvember og mun námskeiðið verða kennt á veraldravefnum með fjarkennslu og lýkur henni með bóklegu prófi á netinu og í framhaldinu verklegu prófi.

Verklega kennslan fer fram í desember/janúar og verður þá reynt að koma til þátttakenda og gera þeim kleift að taka verklegt próf á heimavelli þeirra í tengslum við fjölliðamót félaga eða aðra leiki.

Skráning er á netfanginu kki@kki.is og lýkur skráningu föstudaginn 31. október. Senda þarf nafn, kennitölu, síma og félag ef það er til staðar.

Þátttökugjaldið er 4.000 kr. og skal greitt áður en námskeiðið hefst.

Eins og undanfarin ár er námskeiðið einungis á netinu og hefur það gengið gríðarlega vel. Tilgangurinn er að ná til fleiri þátttakenda og taka námskeiðið á lengri tíma en verið hefur hingað til. KKÍ vonast til að með þessu nýja fyrirkomulagi gefi fleiri sér tíma til að sækja námskeið og taka þannig þátt í eflingu körfuknattleiksíþróttarinnar út um allt land.