Í kvöld eru síðustu leikirnir í 32.-liða úrslitum bikarkeppni KKÍ & Lýsingar á dagskrá þegar ÍS mætir ÍR kl. 19:30 og Breiðablik b og KR b mætast kl. 21:15. Á morgun verður dregið í 16-liða úrslit.

Þau félög sem þegar hafa tryggt sér sæti í 16-liða úrslitum eru: UMFG, Keflavík, Njarðvík, Hamar, Snæfell, Tindastóll, Haukar, KFÍ, Þór Þ., HK, Reynir S., UMF Grundarfjarðar/Reynir H., Fjölnir og Höttur.

Í kvennaflokki verða 14 lið í pottinum: Keflavík, KR, Njarðvík, Grindavík, ÍR, ÍS, Haukar, Ármann/Þróttur, Þór Ak., Hamar, Keflavík b, Tindastóll, Breiðablik og KFÍ.

Dregið verður á morgun þriðjudag í sal ÍSÍ kl. 15:00. Aðalleikdagur karla í 16-liða úrslitunum verður 14. desember, en 17. desember hjá konunum.