Gríska félaginu PAOK Thessaloniki hefur verið vísað úr meistaradeild Evrópu. Ástæðan er sú að PAOK mætti ekki til leiks gegn Türk Telekom í Ankara í Tyrklandi sl. miðvikudag.

PAOK var í öðru sæti A-riðils meistaradeildar FIBA-Europe með 5 sigra úr 7 leikjum. Öll úrslit í leikjunum sjö sem PAOK hefur leikið verða þurrkuð út og 7 félög verða í riðlinum hér eftir. Türk Telekom var í 3. sæti riðilsins, en færist nú upp í 2. sætið.

Rússneska liðið Unics Kazan er efst í A-riðli með fullt hús stiga. Rússnesk lið eru einnig í efsta sæti C og D-riðla, en pólskt félag er í efsta sæti B-riðils.