Signý Hermannsdóttir fyrrum leikmaður ÍS er að standa sig vel í atvinnumennsku á Spáni. Signý sem leikur með spænska liðinu Isla de Tenerife í A-riðli 2. deildar kvenna, hefur leikið alla sex leiki liðsins. Liðið hefur leikið ágætlega og er í 6 sæti af 14 liðum. Signý skoraði 10 stig og tók 11 fráköst í 78-67 sigri Tenerife á E. Santos Adba um helgina og er með 10,3 stig og 7,7 fráköst að meðaltali í fyrstu sex leikjum liðsins. Signý er sem stendur önnur stigahæst hjá liðinu og hefur jafnframt tekið flest fráköst allra leikmanna liðsins.

Í liðinu eru auk Signýar tveir leikmenn frá Svíþjóð og einn frá Brasilíu.