© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
21.11.2003 | 23:25 | Óskar Ó. Jónsson
Nágrannarnir úr Reykjanesbæ í úrslitaleikinn
Það voru nágrannarnir úr Reykjanesbæ sem í kvöld tryggðu sér sæti í úrslitaleik Hópbílarbikarsins sem fram fer í Laugardalshöllinni klukkan 16:30 á morgun, laugardaginn 22. nóvember. Njarðvík vann Grindavík með minnsta mun, 87-86, eftir framlengdan leik og Keflvíkingar bættu sitt eigið stigamet í keppni hinnar fjögurra fræknu með því að skora 126 stig gegn Tindastól og vinna leikinn, 126-101. Þetta er í annað sinn sem Keflavík og Njarðvík spila til úrslita í fyrirtækjabikarnum en Keflvíkingar hafa verið sjö sinnum í úrslitaleiknum í átta sögu keppninnar.

Njarðvíkingar voru fyrri til þess að tryggja sér sæti í úrslitaleiknum þegar þeir unnu Grindvíkinga með einu stigi, 87-86, eftir framlengingu en staðan var 77-77 eftir venjulegan leiktíma. Páll Kristinsson var hetja Njarðvíkinga í framlengunni en hann gerði þá 7 af 10 stigum liðsins.
Það var hinsvegar Brandon Woudstra sem bæði jafnaði leikinn fyrir Njarðvík með tveimur vítaskotum í venjulegum leiktíma og gulltryggði síðan sigurinn í framlengunni með því að setja annað víta sinna niður og koma Njarðvík í fjögurra stiga forskot, 87-83, en Páll Axel Vilbergsson setti síðan niður þrist á lokasekúndu leiksins.

Páll Kristinsson var stigahæstur Njarðvíkinga með 19 stig og 7 fráköst og Brandon Woudstra var með 17 stig og 6 stoðsendingar. Friðrik Stefánsson skoraði síðan 14 stig og tók 8 fráköst.
Þeir Brenton Birmingham og Egill Jónasson voru síðan báðir nálægt þrefaldri tvennu, Brenton skoraði 13 stig, tók 9 fráköst og gaf 9 stoðsendingar auk 4 stolna bolta en Egill skoraði 8 stig, tók 8 fráköst og setti nýtt með í keppni hinna fjögurra fræknu með því að verja 9 skot frá Grindvíkingum.
Hjá Grindavík skoraði Darrel Lewis 25 stig og tók 15 fráköst þar af 11 í sókn og landi hans Dan Trammel var með 14 stig, 16 fráköst og 5 varin skot. Þá skoraði Páll Axel Vilbergsson 22 stig og tók 6 fráköst og Helgi Jónas Guðfinnsson var með 12 stig og 4 stoðsendingar.
Það dugði Grindvíkingum ekki að taka 26 sóknarfráköst í leiknum og skjóta 28 sinnum oftar á körfuna. Njarðvíkingar vörðu 15 skot þeirra og gáfu 11 fleiri stoðsendingar og unnu leikinn með minnsta mun.

Keflvíkingar höfðu tögl og haldir allan tímann gegn Tindastól í seinni leiknum og höfðu þegar upp var staðið bætt sitt eigið stigamet í keppni hinnar fjögurra fræknu um 12 stig, skoruðu 126 stig á 40 mínútum eða meira en þrjú stig á hverri mínútu. Leikinn unnu þeir með 25 stigum, 126-101.
Enginn lék betur en Magnús Þór Gunnarsson sem skilaði 32 stigum og 6 stoðsendingum á 27 mínútum og það af bekknum því strákurinn byrjaði ekki inná í leiknum. Magnús hitti meðal annars úr 8 af 12 þriggja stiga skotum og skoraði fimm þrista í fjórða leikhlutanum einum.
Derrick Allen var líka traustur hjá Keflavík og skoraði 29 stig og tók 9 fráköst, Nick Bradford var með 21 stig, 7 fráköst og 6 stoðsendingar og Sverrir Þór Sverrisson skoraði 12 stig, tók 9 fráköst (7 í sókn) og gaf 4 stoðsendingar á 24 mínútum. Þá var Gunnar Stefánsson með 11 stig, 5 fráköst og 4 stoðsendingar á aðeins 16 mínútum.
Hjá Tindastól skoraði Nick Boyd 27 stig og tók 13 fráköst (7 í sókn), Adrian Parks gerði 18 og tók 5 sóknarfráköst, Clifton Cook var með 17 stig, 10 stoðsendingar og 6 fráköst og Friðrik Hreinsson skoraði 17 stig og 5 þrista þar af 14 stig og 4 þrista í síðasta leikhlutanum.
Þess má geta að Keflvíkingar skoruðu 7 þriggja stiga körfur í fjórða leikhluta og brutu 30 stiga múrinn í fyrsta (35), öðrum (32) og fjórða leikhluta (36). Þá fengu Keflvíkingar 65 stig frá bekknum í þessum leik en Tindastóll aðeins 28 á móti.

Keflvíkingar og Njarðvíkingar hafa einu sinni spilað til úrslita í fyrirtækjabikar KKÍ og það var í Smárunum fyrir tveimur árum. Njarðvíkingar unnu þá bikarinn í fyrsta sinn með því að vinna nágranna sína með 40 stiga mun, 109-69 .
Brenton Birmingham gerði 30 stig fyrir Njarðvík í þeim leik auk þess að taka 9 fráköst og gefa 8 stoðsendingar. Brenton nýtti öll tíu víti sín og hitti úr 8 af 13 skotum utan af velli. Logi Gunnarsson skoraði 19 stig, Sævar Garðarsson gerði 17 á 20 mínútum, Ragnar Ragnarsson var með 12 stig og Friðrik Stefánsson gerði 12 stig og tók 20 fráköst, þar af 9 í sókn. Teitur Örlygsson gerði 8 stig, tók 7 fráköst og gaf 3 stoðsendingar á 20 mínútum en sat á bekknum og fylgdist með sínum mönnum síðustu 14 mínútur leiksins. Páll Kristinsson var með 8 stig og 9 fráköst.
Hjá Keflavík skoraði Damon Johnson mest eða 24 stig, Jón Nordal Hafsteinsson varð með 11 stig og 9 fráköst og Davíð Þór Jónsson gerði 8 stig.
Mótayfirlit
Mótayfirlit allra flokka
Keflavík · Íslandsmeistarar í Stúlknaflokki 2009
DómarahorniðLeiðararTölfræðiSaganViðtalið