Ungmennafélagið Drangur í Vík hefur opnað síðu á vefnum tileinkaða körfuboltaliði sínu. Liðið hóf þátttöku í 2. deild sl. haust og er sem stendur í efsta sæti A-6 sem er suðurlandsriðill 2. deild karla.

Færst hefur í vöxt að körfuboltafélög séu með vefsíðu og Drangur er 24. félagið til nýta sér veraldarvefinn á þennan hátt. Slóðin á körfuboltavef Drangs er http://drangur.tripod.com/

Á næstunni er von á fleiri körfuboltavefjum en þau tvö félög í Intersport-deildinni sem enn hafa ekki opnað vefsíðu, Snæfell og Hamar munu bæði vera með körfuboltavef í smíðum.