Fyrsta þjálfaraspjall vetrarins verður haldið laugardaginn 11. október kl. 9:30 - 11:00 í sal ÍSÍ nr. 1, í íþróttamiðstöðinni í Laugardal. Spjallið er óformlegur vettvangur þjálfara til að ræða saman og bera saman bækur sínar.

Að þessu sinni mun Ingi Þór Steinþórsson þjálfari KR segja frá reynslu sinni af þátttöku og undirbúningi KR-liðsins fyrir alþjóðlegt mót í Danmörku í sl. mánuði. Einnig mun hann fjalla um nýafstaðna Evrópukeppni landsliða sem haldin var í Svíþjóð, en hann var þar með meðal áhorfenda.

Spjallið hefst stundvíslega kl. 9:30 og líkur á slaginu 11:00. Þjálfarar eru hvattir til að fjölmenna á spjallfundinn og hlíða á Inga Þór og taka þátt í umræðum.

Næstu spjallfundir þjálfara verða 8. nóvember og 6. desember.

mt: Ingi Þór Steinþórsson þjálfari KR og unglingalandsliðsins.