Þá er það ljóst að það verða lið Bandaríkjanna og Serbíu sem leika um heimsmeistaratitilinn á sunnudaginn kemur kl. 19.00. Leikurinn verður í beinni á RÚV íþróttir og einnig verður hægt að sjá hann á netinu á ruv.is/ithrottaras.

Serbía hafði betur gegn Evrópumeisturum Frakklands í mögnuðum körfuboltaleik. Serbar byrjuðu leikinn mun betur en Frakkar gáfust ekki upp og hægt og rólega náðu Frakkar að vinna sig inn í leikinn. Fjórði og síðasti leikhlutinn var eintóm skemmtun. Serbar voru sterkari og höfðu sigur þar sem einn besti leikmaður Evrópu, Milos Teodosic fór á kostum og skoraði 24 stig og var með frábæra skotnýtingu. Annars var það liðsheildin sem skilaði sigri fyrir Serba en fimm aðrir leikmenn skoruðu 10 stig eða meira.

Hjá Frökkum var nánast óstöðvandi með 35 stig og þar af 8 þrista í 12 skotum en það dugði ekki og leikur um 3. sætið á morgun staðreynd gegn Litháen.

Báðir leikirnir verða sýndir á RÚV íþróttir í beinni útsendingu.

Dagskráin RÚV íþrótta frá HM í körfubolta:
Laugardagur 13. september kl. 16:00
Bronsleikurinn · Litháen-Frakkland

Sunnudagur 14. september kl. 19:00
Úrslitaleikurinn · Bandaríkin-Serbía