ÍS varð í kvöld Reykjavíkurmeistari kvenna í körfubolta árið 2003 en það án þess að spila leik. Stúdínur fengu hjálp frá nýliðum 1. deildar kvenna ofan úr Breiðholti því sigur ÍR á KR, 61-57, í Seljaskólanum sá til þess að Reykjavíkurmeistaratitilinn er í höfn hjá ÍS-konum.

ÍS hefur fjögurra stiga forustu á KR og ÍR þegar aðeins einn leikur á eftir að fara fram, leikur KR og ÍS í DHL-Höllinni á laugardaginn. Þetta var fyrsti sigurleikur nýliða ÍR á undirbúningstímabilinu en þær náðu mest 24 stiga forustu í leiknum í lok þriðja leikhluta.

Úrslit leikja og stöðuna í Reykjavíkurmóti kvenna í ár má finna hér en alla tölfræði nýrra Reykjavíkurmeistara í mótinu má aftur á móti finna hér.