Norræna úrvalsliðið sem tekur þátt í Global Games í Dallas í Texas tapaði fyrir Puerto Rico með 99 stigum gegn 85 í fyrsta leik sínum í mótinu. Staðan í hálfleik var jöfn 45 stig gegn 45. Norðurlandaliðið byrjaði betur og náði 13 stiga forystu eftir fyrsta leikhluta. Þar fór Helgi Magnússon á kostum og gerði 13 stig á fyrstu 5 mínútunum.

Friðrik Ragnarsson þjálfari liðsins var ánægður með leik sinna manna, sérstaklega Íslendinganna. Helgi Magnússon átti stórleik og var stigahæstur í liðinu með 26 stig. Ólafur Aron Ingvason var með 11 stig og Egill Jónasson með 6. Báðir vöktu mikla athygli fjölda njósnara sem eru staddir á mótinu og ringdi fyrirspurnum yfir Friðrik Ragnarsson þjálfara liðsins.

Jón Arnór Stefánsson er með liðinu úti en lék ekki þar sem hann hefur ekki náð sér af meiðslum sínum.

Næsti leikur liðsins verður í dag gegn Úkraínu.