Ólafi Rafnssyni var veitt Gullmerki ÍSÍ fyrir frábær störf í þágu íþróttahreyfingarinnar sl. laugardag. Það var Ellert B. Schram forseti ÍSÍ sem afhenti Ólafi Gullmerkið í veislu sem Ólafur og Gerður kona hans héldu í tilefni af því að þau hjónin eru/verða 40 ára á þessu ári.

Ellert sagði m.a. við það tækifæri að þó svo að engar sérstakar reglur giltu um afhendingu Gullmerkis ÍSÍ, þá heyrði það til algerra undantekninga að menn fengju merkið aðeins 40 ára gamlir.

KKÍ.is óskar Ólafi til hamingju með heiðurinn.