Það lítur út fyrir metaðsókn í golfmót körfuknattleiksmanna en í gær höfðu alls 60 manns skráð sig í mótið sem fram fer á morgun
hjá Golfklúbbi Suðurnesja í Leirunni.

Mótið hefst kl. 14.00 og var áætlað að ræsa út á öllum teigum samtímis. Það hefur hinsvegar breyst og mun verða ræst út á 1. og 10. teig. Mótslok eru því áætluð kl. 20.00 í stað þess að vera búið kl. 18.30 eins og áður var áætlað. Er þetta m.a. vegna mikillar þátttöku körfuboltamanna.

Keppnin er punktakeppni. Hámarskforgjöf verður 24. Verðlaun verða vegleg sem fyrr og veitt fyrir fyrstu þrjú sætin með og án forgjafar ásamt aukaverðlaunum.

Allar nánari upplýsingar fást frá formanni Mótanefndar KKÍ, Ríkharði Hrafnkelssyni sem jafnframt er mótsstjóri golmótsins í síma 897-6279